2018 نئے پاکستان اور تبدیلی کا سال ہے، نوجوان پی ٹی آئی کا ممبر بن کر میری ٹیم کا حصہ بنیں، عمران خان

راولپنڈی: پاکستان تحریک انصاف کے چیئرمین عمران خان کا کہنا ہے کہ 2018 نئے پاکستان اور تبدیلی کا سال ہے لہذا نوجوان پی ٹی آئی کا ممبر بن کر میری ٹیم کا حصہ بنیں۔ عمران خان نے راولپنڈی میں ممبرسازی مہم کے سلسلے میں مختلف کیمپوں کا دورہ کیا اور ممبر سازی مہم کا جائزہ لیا۔ پاکستان تحریک انصاف کے چیئرمین عمران خان نے پیرودھائی کے مقام پر ممبرسازی کیمپ پر خطاب کرتے ہوئے کہنا تھا کہ تمام نوجوانوں کو پی ٹی آئی کا ممبر بننے کی تاکید کرتا ہوں کیوں کہ یہ سال نئے پاکستان اور تبدیلی کا سال ہے۔

انہوں نے کہا کہ پنڈی میٹرو کی جگہ یہ پیسہ صحت، تعلیم اور صاف پانی پر لگا کر شہر کو بدلا جا سکتا تھا لیکن انہوں نے پیسا بنانا تھا اسی لیے پروجیکٹ بنایا۔ ان کا کہنا تھا کہ شریف خاندان قوم کا پیسا چوری کر کے باہر لے جاتا ہے لیکن اس کرپٹ مافیا اور ٹولے کا آئندہ انتخابات میں خاتمہ ہوگا۔ انہوں نے کہا کہ آپ کے کپتان کو مقابلہ کرنا آتا ہے اور 22 سال سے اس وقت کا انتظار کر رہا تھا، آئندہ الیکشن میں تمام جماعتوں کو پھینٹی لگاؤں گا۔
یہ خبر جس ویب سائٹ سے لی گئی ہے اس کا لنک یہاں ہے. شکریہ

اس خبر پر اپنی رائے کا اظہار کریں

اپنا تبصرہ بھیجیں

This site uses Akismet to reduce spam. Learn how your comment data is processed.