پاکستان مسلم لیگ (ن )کے رکن قومی اسمبلی شہاب الدین خان کے مشروط استعفے کا اعلان ،ایک اورڈیڈ لائن دیدی گئی

پاکستان مسلم لیگ (ن )کے رکن قومی اسمبلی شہاب الدین خان کے مشروط استعفے کا اعلان ،ایک اورڈیڈ لائن دیدی گئی

اسلام آباد (مانیٹرنگ ڈیسک) پاکستان مسلم لیگ (ن )کے رکن قومی اسمبلی شہاب الدین خان نے واضح کیا ہے کہ آئندہ جمعہ تک فاٹا اصلاحات بل اسمبلی میں پیش نہ ہوا تو میں سپیکر قومی اسمبلی کو اپنا استعفیٰ پیش کردوں گا۔ جمعرات کو پارلیمنٹ ہاؤس کے باہر میڈیا سے گفتگو کرتے ہوئے انہوں نے کہا کہ ہمارے ساتھ وعدہ ہوا تھا کہ آج فاٹا اصلاحات بل کو قومی اسمبلی میں پیش کیا جائے گا، مگر افسوس ہے کہ ایسا نہیں ہوا، آج قومی اسمبلیکے فلور پر استعفیٰ دینا تھا لیکن مجھے بات کرنے کا موقع نہیں دیا گیا، جو

لوگ کل فاٹا سپریم کونسل کے نام پر آئے تھے وہ ایک پارٹی کے ارکان تھے۔ انہوں نے کہا کہ آئندہ جمعہ تک فاٹا اصلاحات بل اسمبلی میں پیش نہ ہوا تو میں سپیکر قومی اسمبلی کو اپنا استعفیٰ پیش کروں گا۔ آج قومی اسمبلی میں لوگ کہتے ہیں کہ آپ پاکستانی نہیں ہیں یعنی ہمارے پاکستانی ہونے پر سوال اٹھائے جارہے ہیں کہ ہم کون ہیں اور ہمارا سٹیٹس کیا ہے۔

اس خبر پر اپنی رائے کا اظہار کریں

اپنا تبصرہ بھیجیں

This site uses Akismet to reduce spam. Learn how your comment data is processed.